I Borghi di Octavia
Arvel l’art dël Marchesà
Ën cit pais fongà ënt la campagna a peul esse ën ver scrign d’art? Da ràir, ma a càpita, mersì a coincidense stòriche e geogràfiche fortunà.
Pròpi parèj: Arvel a l’é, leteralment, sòn.
Ën borgh davzin a Salussi, a lë sbòch dla val Pò, ch’a compendia le pì bele e pì àute espression artìstiche dël teritòri. Ën compendi dl’Art dël Marchesà ëd Salussi ant ij sò sécoj d’òr, tra la fin dël Quatsent e la prima metà dël Singhsent, ën perìod curt durant ël qual ël Marchesà a l’é anrichisse dë strasordinarie euvre architetòniche e artistiche che, bele ancheuj, a ëngentisso la capital e le tante cite sità ëd pianura e dle vaj.
«Ai pe dël Mont Brach, calà ënt la curnis dël Monvis, as leva dai temp dj’antìch ël borgh d’Arvel.»
Dëscheurbe Arvel
Ai pe dël Mont Brach, calà ënt la curnis dël Monvis, as leva dai temp dj’antìch ël borgh d’Arvel. Sénter comersial important al prinsipi dla Val Pò, sede da l’àutissima Età ëd Mes d’ën castel për la difèisa dël borgh e dël teritòri, a vintra dël 1215 ënt ij domini dij marchèis ëd Salussi, e a ven squasi sùbit sernù come un-a dle residense preferìe djë sgnor.
Come conseguensa, ël sò sénter ëstòrich a s’ënrichiss ëd tanti e important edifissi, sia religios che sivij: la Capela Marchional, ël Palass comunal, la Colegià, ël Palas Porporà, la Dogan-a, ël Fòrt dël Bramafam: tuj sarà ënt ën cit borgh anté che ‘l temp a smija ferm ai secoj d’òr dël Marchesà ëd Salussi. Ma, dzora ‘d tut, Arvel a l’é ël pais ch’a òspita, pòch lontan dal sénter, la pì che famosa Abassìa dë Stafarda, un tra ij pì important monument dl’età ëd mes ën Piemont che, da sola, a val la visita!
Palass Comunal
![revello-palazzo-comunale-verticale](http://www.tuttodiriso.it/wp-content/uploads/2021/11/revello-palazzo-comunale-verticale.jpg)
Capela Marchional
![revello-cappella-marchionale-verticale](http://www.tuttodiriso.it/wp-content/uploads/2021/11/revello-cappella-marchionale-verticale.jpg)
Colegià
![revello-collegiata-verticale](http://www.tuttodiriso.it/wp-content/uploads/2021/11/revello-collegiata-verticale.jpg)
Cesa ‘d Sant Steo
![revello-chiesa-di-santo-stefano-verticale](http://www.tuttodiriso.it/wp-content/uploads/2021/11/revello-chiesa-di-santo-stefano-verticale.jpg)
Tor dl’arlògi
![revello-torre-dell’orologio-verticale](http://www.tuttodiriso.it/wp-content/uploads/2021/11/revello-torre-dellorologio-verticale.jpg)
Abassìa dë Stafarda
![revello-abbazia-di-staffarda-verticale](http://www.tuttodiriso.it/wp-content/uploads/2021/11/revello-abbazia-di-staffarda-verticale.jpg)